З нагоды 104-ай гадавіны з дня нараджэння  знакамітага пісьменніка-земляка Івана Паўлавіча Мележа на Хойнікшчыне прайшло шэраг мерапрыемстваў.

6 лютага ў раённым Доме культуры адбылася літаратурна-музычная праграма «Пясняр палескай зямлі». Госці мерапрыемства пазнаёміліся з выставай малюнкаў вучняў мастацкага аддзялення дзіцячай школы мастацтваў, прынялі ўдзел у літаратурнай віктарыне «Па старонках жыцця і творчасці Івана Мележа», якую падрыхтавалі супрацоўнікі бібліятэкі. Таксама падчас  мерапрыемства дзейнічала тэматычная экспазіцыя  «Мележаўскі дворык» і выстава краязнаўчага музея. 

7 лютага на малой радзіме народнага пісьменніка Беларусі - у аграгарадку Глінішча прайшла тэматычная праграма «Наш зямляк - Іван Мележ», у якой прынялі ўдзел вучні мясцовай школы.

У біблятэках раёна дзейнічалі тэматычныя выставы, прысвечаныя жыццёваму і творчаму шляху пісьменніка.